Kezka eta arduratik

Donostiako erraustegiak osasunean eta ingurumenean izango duen eraginak kezka handia piztu du gizartean. Hainbat herri erakundek (EAM Errausketaren Aurkako Mugimenduak, OEIT-GEIS mediku elkarteak, GURASOS elkarteak, eta beste hainbatek) maiz adierazi bezala, badago kezkarako arrazoirik.

​

Gipuzkoako Foru Aldundiak eta Donostiako Udalak diote erraustegiak arriskurik ez duela, eta legeak ezarritako monitorizazio neurketak proposatzen dituzte berme gisa.

​

Herritarron esku dagoen hainbat informaziok, ordea, besterik dio:  OEIT-GEIS mediku taldeak, esaterako, mundu mailan argitaratutako ikerlanak aztertu ondoren ohartarazi du erraustegiak arriskutsuak direla jendearen osasunarentzat.

​

Herritarron babesgabetasun egoera horri aurre egin eta Donostiako erraustegiak osasunean eta ingurumenean izango duen eragin erreala neurtu eta ezagutzeko jarri da martxan DEKKI proiektua.